گاڤ

ئەڤ شەڤە مەزنترین کەرنەڤالێ وەرزشی یێ جیهانێ، مۆندیالا سالا 2026ێ دێ دەستپێکەت، بوو ئێکەم جارە د دیرۆکا مۆندیالێ دا سێ وەلات دێ مێهڤاندارییا یاریێن مۆندیالی بکەن.

بۆ ئێکەم جارە د دیرۆکێ دا 48 هەلبژارتی پشکداری مۆندیالێ ببنن و دهێتە پێشبینیکرن مۆندیالا ئەڤ سالە  ریکۆردێن نوی د ژمارا بینەر و ئالیگران دا تۆمار بکەت.

یاریا دەستپێکرنا مۆندیالی بریارە پشتی ئاهەنگا ڤەکرنا مۆندیالێ ل دەمژمێر 10ێ شەڤێ د ناڤبەرا ئێک ژ مێهڤاندارێن مۆندیالی هەلبژارتییێ مەکسیک و ئەفریقیا باشۆر دا بهێتە کرن، پێشبینیکرییە یاریگەهـ ژ پشتەڤانان تژی ببیت.

ل دویڤ دا بریارە پشتی یاریا دەستپێکرنا مۆندیالێ، بەری سپێدەهییا سوبەهی دەمژمێر5ێ یاری یارییا دوێ ژ مۆندیالی د ناڤبەرا هەلبژارتییێن چیک و کۆریا باشۆر دا بهێتەکرن هەروەسا سوبەهی ب شەڤ و رۆژێن دویڤ ژی دا هەژمارەکا دی ژ یارییێن قۆناغا گرۆپان ژی دێ دەستپێبکەن، و هەمی هەلبژارتی دێ بزاڤان کەن ب سەرکەفتنێ کاروانێ خۆ د مۆندیالێ دا دەستپێبکەن.

موندیالا 2026ێ دێ نزیکی 40 رۆژان یا بەردەوام بیت بریارە یاریا فینالێ ل 19ی تیرمەها ئەڤسالە ل یاریگەها میت لایڤ ستادیۆم ل ئەمریکا بهێتەکرن.