گاڤ

گۆرەپانا فیلادەلفیا ل ئەمریکا، د چارچۆڤەیێ یارییێن جاما جیهانی یا فیفا 2026ێ دا، ل گەل یاریەکا قووناغا 16ێ، دێ ب گشتی مێهڤاندارییا 6 یارییان کەت.

ئەڤ پێشهاتە د دەمەکیدا دهێت کو تۆرنۆڤایا ژ لایێ ئەمریکا، مەکسیک و کانەدا ڤە ب هەڤپشکی دهێتە ڕێکخستن، ل 11ی خزیرانێ دەستپێکرییە و پشتی کێبرکێیا 6 حەفتیان، دێ ل 19ی تەمموزێ ل ڕۆژا یەکشەمبی ب یارییا کۆتایی ب دویماهی هێت.

گۆرەپانا فیلادەلفیا کو خودانا شیانێن وەرگرتنا 69 هزار تەماشەڤانانە و یارییێن تیما فیلادەلفیا ئیگلز د خۆلا تەپاپێیا ئەمریکی دا ل سەر دهێنە کرن، دێ بیتە گۆڕەپان بۆ 5 یارییێن قووناغا کۆمان و یاریەکا قووناغا 16ێ. ئەڤ گۆرەپانە د سالا 2003ێ دا ب یارییا ناڤبەرا مانچستەر یونایتد و بارسێلۆنا هاتبوو ڤەکرن.

باژارێ فیلادەلفیا کو وەک جهێ ئیمزاکرنا بەیاننامەیا سەربەخۆییێ و بنیاتێ دیرۆکا ئەمریکا دهێتە نیاسین، دێ د ڤێ چالاکییێ دا دیمەنەکێ تایبەت ب خۆ ڤە گریت. ل 4ی تەباخێ، کو هەڤدەمە ل گەل 250هەمین سالڤەگەرا دامەزراندنا ئەمریکا، یارییا قووناغا 16ێ دێ ل ڤێ گۆرەپانێ هێتە کرن.

ئەڤ باژارە ل سەر ئاستێ خۆلا ئەمریکی (MLS) ژی ب تیما فیلادەلفیا یونیۆن ناڤدارە، کو یارییێن خۆ ل گۆرەپانا(Subaru Park)  دکەت.

د جاما جیهانی یا فیفا 2026ێ دا ب گشتی 104 یاری دێ ل 16 گۆرەپانێن جودا یێن سێ وەلاتان هێنەکرن و 78 یاری ژ وان دێ ل ئەمریکا بن. گۆرەپانا هەرە مەزن گۆرەپانا دالاسە ب شیانا وەرگرتنا 94 هزار کەسان و یا هەرە بچووک ژی گۆرەپانا تۆرۆنتۆیە ب شیانا 45 هزار کەسان.

بەرنامەیێ یارییێن ل گۆرەپانا فیلادەلفیا

دووشەمبی، 15ی خزیرانێ: ساحل عاج - ئەکادۆر

شەمبی، 20ی خزیرانێ: بەڕازیل - هایتی

• سێشەمبی، 23ی خزیرانێ: فڕەنسا - ئیراق
• پێنجشەمبی، 25ی خزیرانێ: کوراساو - ساحل عاج
• ئێکشەمبێ، 28ی خزیرانێ: کرواتیا - غانا
• ئێکشەمبێ، 5ی تیرمەهێ (قووناغا 16): سەرکەفتییا یارییا 74ێ - سەرکەفتییا یارییا 77ێ