گاڤ

کۆمارا ئیسلامی یا ئیرانێ راگەهاند رێورەسمێن ڤەشارتنا تەرمێ رێبەرێ بلند یێ شۆڕەشێ، ئایەتوللا عەلی خامنەیی، دێ ل 4ێ تیرمەهێ دەستپێکەن و ل 9ێ تیرمەهێ تەرمێ وی دێ هێتە ڤەشارتن.

ئەڤ پێشهاتا فەرمی د دەمەکیدا دهێت کو بەری دەمەکی د پۆستەکێ دا ل سەر تۆرا جڤاکی یا (X)، شەهباز شەریف نڤیسییە: "ئەم ژ هەر دەمەکێ دی پتر ژ رێککەفتنا ئاشتییێ نێزیکین، دهێتە پێشبینیکرن د 24 دەمژمێرێن بهێن دا رێککەفتن بهێتە ئێکلاکرن."

ل دویڤ نووچەیێ میدیایێن فەرمی یێن ئیرانێ ل رۆژا شەمبی، رێورەسمێن سەرەکی یێن ڤەشارتنا تەرمێ ئایەتوللا عەلی خامنەیی دێ ل 4ێ تیرمەهێ ل تەهرانێ دەستپێکەن، و پشتی پڕۆسەیەکا پێنج ڕۆژی، ل 9ێ تیرمەهێ تەرمێ وی دێ ل باژارێ مەشهەد ل باکورێ رۆژهەلاتێ ئیرانێ هێتە ڤەشارتن.

ئایەتوللا خامنەیی، ل 28ێ هەیڤا شوباتا ئەڤ سالە د هێرشێن ئەمریکا و ئیسرائیلێ دا بۆ سەر ئیرانێ دا گیانێ خۆ ژ دەست دابوو، کو ب ڤێ چەندێ ژی قووناغەکا درێژ یا دەستهەلاتدارییا وی یا کو پتر ژ 30 سالان د سەرکردایەتیا کۆمارا ئیسلامی دا بوو، ب دویماهی هات.