ترەمپ: دێ تشتەکێ کەم دلێ ئەردۆگانی گەلەک خۆشبیت
گاڤ
دەربارەی پشکدارکرنا تورکیا د بەرنامەیێ فرۆکەیێن F35 دا و فرۆتنا وێ فرۆکێ ب تورکیا، ترەمپی بەرسڤا رۆژنامەڤانان دا و دوۆپاتکر کو رێزەکا مەزن بۆ ئەردۆگانی هەیە و دبیت تشتەکێ بکەت گەلەک دلێ وی خۆش بکەت.
رۆژنامەڤانەکی پرسیار ژ دۆنالد ترەمپ، سەرۆکێ ئەمریکا کر و گۆتێ: ئەرێ دێ فرۆکەیێن F35 دەیە تورکیا ئەگەر داخوازکر.
ترەمپی ب ڤی رەنگی بەرسڤ دا: ئەز گەلەک رێزێ ل ئەردۆگانی دگرم و ژبەر وی دێ پشکداری گۆپیتکا ناتۆیێ یا ل ئەنقەرە بم. ل ئەنقەرە دێ تشتەکێ کەم ، دبیت گەلەک دلێ ئەردۆگانی پێ خۆش ببیت.
ل سالا 2019 پشتی تورکیا سیستەمێ بەرگرییا ئاسمانی یێ رۆسی کری، واشنتۆنێ ئەنقەرە ژ بەرنایەمێ گەشەپێدانا فرۆکەیێن F35 دەرئێخست.
بەرنایەمێ گەشەپێدانا (Joint Strike Fighter) بەرنامەیەکێ ناتۆیێ یە و هەمی وەلاتێن ئەندام کو ئێک ژ وان تورکیا یە، تێدا پشکداردبن. لێ نوکە تورکیا ژ بەرنامەیێ فرۆکەیێن F35 هاتییە دەرئێخستن.