گاڤ

ئاژانسا ناسا یا ئەمریکی گرێبەستێن ب کۆژمێ 590 ملیۆن دۆلاران بۆ سێ کۆمپانییێن کارێ گەردۆنی دکەن راگەهاندن، وەکو قویناغا ئێکێ یا پلانا دانانا بنگەهەکێ هەردەمی ل سەر بانێ هەیڤێ، ئارمانج ژێ خۆشکرنا رێکا مرۆڤانە بۆ ئۆپەرایۆنێن گەردۆنی و هەڤرکییا چینێ د وی بابەتی دا.

ئاژانسا ناسا راگەهاند: گرێبەست پێشکێشی کۆمپانییێن ئەسترۆبۆتیک و فایفرفلایی و ئینتویتۆف کرینە، ئەو دێ چار مێشنان بۆ ڤەگۆهاستنا ئالاڤێن پێدڤی بۆ بانێ هەیڤێ دەستپێکەن و کۆمپانییا ئەسترۆبۆتیک دو ژ وان مێشنان وەرگرتینە.

هەروەسا دیارکر: دێ کەشتییا پرۆمێس یا کو بۆ مەریخێ هاتییە چێکرن بۆ ڤێ ئۆپەراسیۆنا هەیڤێ بکارئینن و ئەڤ کەشتییە دێ هەمی کارێن پێدڤی کەت بەری کو مرۆڤ بچنە هەیڤێ.

کارلۆس گارسیا گالان، رێڤەبەرێ جێبەجێکار یێ بەرنامەیێ بنگەهێ ناسایێ گۆت: گرێبەستێن نوی بۆ قویناغا ئێکێ نە ژ پرۆژەیێ دانانا یەکەیێن هەردەمی ل سەر بانێ هەیڤێ، ئەڤ پرۆژەیە تا سالا 2028 دێ ڤەکێشیت و کۆژمێ 10 ملیار دۆلاران لێ چن.

د قویناغێن دویێ و سێیێ دا دێ یەکەیێن ئاکنجیبوونێ و دانانا سیستەمێن بەرهەمئینانا وزێ بن، پشتی سالا 2030 دێ یەکەیێن ئاکنجیبوونێ یێن هەردەمی ل هەیڤێ هێنە دیتن.