گاڤ

ل گۆرەی زانیارییان بریارە ئەڤرۆ سەرۆککۆمارێ ئیرانێ ل گەل جەنازەیێ عەلی خامنەیی رێبەرێ بلند یێ پێشترێ ئیرانێ بهێتە ئیراقێ.

ل گۆرەی میدیایێن ئیراقی ئەڤرۆ سەرۆککۆمارێ ئیرانێ مەسعوود پزیشکیان دێ سەرکردایەتیا وی شاندی کەت یێ ل گەل جەنازەیێ عەلی خامنەیی ل دەمێ رێورەسمێن ڤەشارتنا وی ل هەردو باژارێن نەجەف و کەربەلا دهێنە ئیراقێ.

بریارە جەنازەیێ خامنەیی ئەڤرۆ ئێڤاری برێیا فرۆکەخانا نەجەف یا نێڤدەولەتی بگەهیت، و دێ رێورەسمێن فەرمی و جەماوەری یێن ڤەشارتنێ سوبەهی رۆژا چوارشەمبی ل هەردو باژێران هێنە ئەنجامدان.

چاڤەرێ دهێتەکرن کو سەرۆکێ جڤاتا وەزیرێن ئیراقێ عەلی فالح زەیدی، ئێڤارا ئەڤرۆ پشکدارییێ د پێشوازیا فەرمی یا جەنازەیێ بکەت ل فرۆکەخانا نەجەف یا نێڤدەولەتی.