گاڤ

نووچەیەکێ خۆش بۆ پشتەڤانێن یانەیا دهۆک، سزا ل سەر یانێ نەما و نوکە دشێت یاریکەرێن خۆ یێن نوی تۆماربکەت.

ب بزاڤێن پارێزەرێن یانێ و ل گۆرەی نڤیسارەکا فەرمی یا فیفایێ ئەڤرۆ بابەت هاتە چارەکرن فیفایێ سزا ل سەر یانەیا دهۆک راکر و نوکە یانەیا زەر و شین دشێت یاریکەرێن خۆ یێن نوید ناڤا هێلینا خۆ تۆماربکەت.

بۆچی فیفایێ یانەیا دهۆک سزادابوو؟ یاریکەرێ وێ یێ بەری نوکە یێ مەغربی شەرقی ئەلبەحری ب بەهانەیا نەدانا مووچەیێن وی سکالا لسەر یانەیا دهۆک تۆمارکربوو و فیفایێ ژی یانەیا دهۆک سزادابوو.

پشتی یانەیا هاتییە سزادان ژی کارگێرییا یانەیا دهۆک دەربارەی وی بابەتی ب رێکا گاڤ رۆنکرنەک دابوو و راگەهاندبوو، یاریکەری فێلبازی ل مەکربوو داخوازکربوو ژبەرکێشەیەکا خێزانی ڤەگەریت وەلاتێ خۆ و وان ژی رێک پێدابوو لێ پشتی هینگی یاریکەری ل گەل یانەیەکا دی ئاخفتبوو و سکالا ل یانەیا دهۆک تۆمارکر کو هندەک مووچەیێن وی ل دەف یانێ ماینە لێ د راستی دا یانێ مووچەیێن هەمی یاریکەران ل وی وەرزی خەرجکربوون.

دا بوو زانین ژی؛ ژبەر کو فیفا هەردم د بەرژەوەندییا یاریکەران دا بریارێن خۆ دەردکەت سکالا بۆ یاریکەری کەفتبوو لێ یانەیا ب رێکا پارێزەرێن خۆ ل سەر خەتە ژبو وێ یەکی سکالایێ د بەرژوەندیا یانێ دا ب دویماهیک بینیت.