گاڤ

هەژماری من دویماهی ژڤان بۆ وەرگرتنا کارتێن بانکی و مووچەی ب رەنکەگێ کاش بۆ خانەنشین و فەرمانبەرێن حکومی دیاردکەت.

هەژماری من د راگەهاندنەکێ دا گۆتییە؛ پێدڤییە خانەنشین و فەرمانبەرێن حکومی بەری 31/8 کارتێن خۆ یێن بانکی وەربگرن، پشتی وێ رێککەفتێ ب چ رەنگان مووچە ب شێوێ کاش ناهێتە بەلاڤکرن، و بەلاڤکرنا مووچەی دێ بتنێ ب رێکا کارتا بانکی بیت.

هەورەسا نڤێسییە خانەنشین و فەرمانبەرێن حکومی دشێن ب ڤێ ڕێکێ بزانن کا کارتێن وان یێن بانکی ئامادەنە بۆ وەرگرتنێ کو ژئالییێ پڕۆژێ "هەژماری من" ڤە ب رێکا کورتەنامە (SMS)، ڤایبەر، یان واتسئاپێ دێ هێنە ئاگەهدارکرن داکو قەستا بانکا دیاریکری بکەن و کارتێن خۆ وەربگرن.