گاڤ

ڤەکۆلەران ل ئەمریکا، بۆ ئێکەم جار مۆدێلەکێ ژیرییا دەستکرد بکارئینا بۆ چێکرنا ڤایرۆسەکێ نوی کو پێشتر ب چو رەنگان د سروشتی دا نەبوویە.

ڤەکۆلەران ل زانکۆیا ستانفۆرد ل ئەمریکا، مۆدێلەکێ ژیرییا دەستکرد ب ناڤێ  "Evo" راهێنا ل سەر شیکارکرنا پتر ژ 9 تریلیۆن نوکلیۆتیدان یەکەیێن پێکئینەرێن (DNA) کو ژ ملیۆنان زیندەوەران وەک ئاژەل، گیا و میکرۆبان هاتینە وەرگرتن. ئەڤێ یەکێ ژی کر کو مۆدێل ل شێوازێ پێکڤەگرێدانا بۆماوەیی تێبگەهیت.

بۆ کرنا تاقیکرنێ، ڤەکۆلەرێن زانکۆیا ئەمریکی سەرنجا خۆ دا سەر ڤایرۆسەکێ ب ناڤێ Phi X-174 کو پتر ژ 100 سالانە دهێتە نیاسین و بتنێ هێرشێ دکەتە سەر بەکتریایا E. coli. پشتی کو ژیرییا دەستکرد ل جینۆمێ ڤی ڤایرۆسی و نێزیکی 15 هزار ژ خزمێن وی کۆلییێ، نێزیکی 700 هزار جینۆمێن نوی پێشنیار کرن.

ڤەکۆلەران، 285 ژ وان جینۆمێن پێشنیارکری هەلبژارتن و ل تاقیگەهێ چێکرن. د ئەنجامدا، 16 ژ وان بوونە ڤایرۆسێن زیندی و کارا کو پێشتر د سروشتی دا نەبووینە. ئەڤ ڤایرۆسێن نوی، وەک ڤایرۆسێ سەرەکی، هێرشکرە سەر بەکترییا E. coli و دەست ب زێدەبوونێ کر و شیان وان بەکتریایان ژناڤببەن ئەوێن کو بەرگری ل هەمبەر ڤایرۆسێ سروشتی پەیداکری.

د. ساموێل کینگ سەرپەرشتێ ڤەکۆلینێ ل زانکۆیا ستانفۆرد تەکەزی ل وێ یەکێ دکەت کو ئەڤ ڤایرۆسێن نوی ب تەمامی بۆ مرۆڤی د بێ-زیانن.