د. خێرى بۆزانى

ئەوا ئیدارەیا ترەمپ (ل گۆڕەیى راپۆرتا ئەکسیۆس کو ل 16ى تەباخا 2026ێ بەلاڤکرى) پەنا بۆ نێچیرڤان بارزانى بریە، هەر بتنێ نووچەیەکێ بلەز نەبوو بۆ دیتنا کەسەکى تاکو پەیامەکێ د ناڤەرا دو وەلاتێن مەزن و بهێز کو هەردەم ناکۆکن و د شەڕى دا نە ب گەهینیت.

دبینم کووراتییا وێ ئەوە واشونتون پشتى ژبەر زێدەهەبوونا ناڤەندێن بڕیارێ ل تەهران تووشى سەرگێژیێ بووى، پێدفى ب کەسەکى یان ئالییەکى هەبوو ل سەرمایەیەکێ سیاسیێ دەگمەن ل بەردەستان بیت.

نێچیرڤان بارزانی لە ڕاستیدا پرسیارە سەرەکییەکەی واشنتنی گواستەوە (ئایا قالیباف و عەراقچی دەسەڵاتی دانوستاندنیان هەیە، یان بڕیاری کۆتایی کەوتووەتە دەستی پاسداران؟)

هوورکاریێن رۆژا 14ى ئادارا 2026ێ سەرنجا من راکێشا، ئەوبوو بەرپرسەکێ سوپایێ پاسداران ل گەل تەلەفوونەکا کۆدکرى، گەهشتنە نڤیسینەگەها سەرۆکێ هەرێمێ ل هەولێرێ و ل ویرێ پەیوەندییەکا راستەخۆ ل گەل ئەحمەد وەحیدى هاتەکرن، دیمەنەکێ بچووکە بەلێ واتایەکا مەزنە، ئەڤە وێ د گەهینیت کو دەما کەنالێن فەرمى دهێنە گرتن دیپلۆماسییەت دچیتە ژوورێن بێ دەنگ و ژمارەیەکا تەلەفوونەکێ ژ بەیاننامەیەکا حکومەتێ گرانتر دبیت.

نێچیرڤان بازرانى ژ راست پرسیارا سەرەکى یا واشونتون ڤەگوهاست (ئەرێ قالیباف و عێراقچى) دەستهەلاتا دانوستاندنان هەیە یان بڕیارا دویماهىیێ د دەستێن پاسداران دایە.

ئەڤ پسیارە بەرى هندێ هەلوەستێ ئیرانێ بۆ مە بهێتە رۆهنکرن، قەیرانا دانوستاندێن واشونتون ئاشکرادکەت، کو دەولەت قەبارەیەکێ رەق و ئێک پارچە نینە، د ناڤدا سەرۆکایەتى، حکومەت، پەڕلەمان و سوپایێ پاسداران هەنە و هەر ئێکى دیتنەک و بەرژەوەندییەک و سنۆرێن دەستهەلاتا خۆ هەنە.

پشتى شەڕى و کوشتنا عەلى خامنەیى، راپۆرتا ئەکسیۆس ئاماژە ب مەزنبوونا رۆلێ پاسداران د ئاساییشا نەتەوەیى و سیاسەتا دەرڤە دا دکەت، ژبەر ڤێ یەکێ کێشەیا سەرەکى یا واشونتون پێشنیارا کێم نەبوو، نەدزانى کى دێ شێت رێککەفتنێ ئیمزا کەت و رۆژا د دویف دا ل سەر پێن وێ هێلیت.

هەلبژارتنا نێچیرڤان بارزانى، سەرۆکێ هەرێما کوردستانێ دشیاندایە ب چاڤێ دیپلۆماسى و هەڤتەریبێ یەکەیێن فیدرالى بهێتە خواندن، هەرێا کورستانێ هێزەکا مەزن نینە، بەلێ د خالەکا جوگرافى و سیاسى یا گەلەک هەستیار دایە، د ناڤبەرا ئیراق، ئیران و توکریا دا و هەروەسا د ناڤا بازنەیێ کاریگەر یێ ئەمریکا ژى دا.

نێچیرڤان بارزانى ب خۆ ژى زمانێ فارسى دزانیت، ناسکرنا تەهرانێ و پەیوەندییا بەردەوام یا واشونتون شیانەکا دیپلۆماسى گەشکریە کو هاریکاریێ دکەت سنۆرێن سیاسى دەرباز بکەت و ئەو سنۆر ژى هەمى دەمان ل سەر نەخشەیى دیار نینن.

د خواندنا من یا ئێکێ دا، مەیلا من بۆ هندێ د چوو چیرۆک بتنێ وەک دانپێدانەکێ یە ب پێگەهێ کەسى یێ نێچیرڤان بارزانى، بەللێ پێشنیازا مێڤاندارییا دانوستاندکا نهێ،ى ل هەولێرێ ئەز نەچارکرن لێکدانێن خۆ تا رادەیەکى ب گوهۆڕم، کۆچکا سپى نێچیرڤان بارزانى وەک پەیامگەهێنەرەک نە دڤیا، بزاڤ کر هەرێمێ بکەتە سەکۆیەک بۆ کێمکرنا ئالۆزییان و نێچیرڤان بارزانى بکەتە فاکتەرەکێ بهێز و ئەڤە ب خۆ ژى جوداهییەکا مەزنە.

ئەواە بووى بۆ کوردستانێ چیرۆکەکە دەردئێخیت هەژموون بتنێ ب قەبارێ هێزێ ناهێتە پیڤان و شیانێن کێمکرنا لێ:تێگەهشتنێ د ناڤبەرا دو نەیارێن چەکدار هندەک جاران کاریگەر ترە.

دیسا بۆ بەغدا نابیت ئەم رۆلە ببیتە ئەگەرا هەستیارییا سەروەریێ، هەروەسا سنۆرێن فیدرالى نابیت ببنە دیوارەک کو رێ ل دەستپێشخەرییان بگریت.

گرنگتر لە هەمووی، پێگەی نێچیرڤان بارزانی لە هاوسەنگییەکی ناسکەوە دروست بووە، نە لە هاوڕیزیی تەواو لەگەڵ یەک لایەن. ئەگەر ناوبژیوان ئەو دوورییە هاوسەنگە لەدەست بدات، گرنگترین کارتی خۆی دەدۆڕێنێت. بۆیە پێم وایە بایەخی ڕاستەقینەی ئەم کەناڵە نهێنییە لەوەدا نییە کە کۆتایی بە جەنگ هێنا، یان نا، بایەخەکەی لەوەدایە کە نیشانی دا هەولێر دەتوانێت، لەو ساتەی هەموو دەرگاکان دادەخرێن، ببێتە پردێک بەسەر دۆڵێکی زۆر قووڵدا. بەڵام پردەکان لە ناوچەکەی ئێمەدا پاراستنی بەردەوامیان پێویستە، تەنها یەک گوللە بەسە بۆ ئەوەی هەمووان بگەڕێنێتەوە بۆ دوو بەری دۆڵەکە.