گاڤ

گەلف کیستۆن پترۆلیۆم یا بریتانى کارێن خۆ ل کێلگەها پەترۆلێ یا شێخان دەستپێکرن و قەبارێ بەرهەمئینانێ ژى زێدەکریە.

کۆمپانییا گەلف کیستۆن پترۆلیۆم یا بریتانى کارێن خۆ ل کێلگەها پەترۆلێ یا شێخان ل پارێزگەها دهۆکێ دەستپێکرن و قەبارێ بەرهەمئینانێ ژى بلەزاتییەکا نەچاڤەڕێکرى د زێدەبوونێ دایە و نووکە د رۆژەکێ دا 40 هزار بەڕمیلێن پەترۆلێ بەرهەم دئینیت.

ل گۆڕەیى کیستۆن تێکرایێ گشتى یێ بەرهەمئینانێ د نێڤا ئێکێ یا سالا 2026ێ دا بلند بوویە بۆ 14 هزار و 600 بەڕمیلان د رۆژەکێ دا.

ل گۆڕەیى راپۆرتا کۆمپانییێ رێککەفتنێن دەمکى یێن هنارتنا پەترۆلێ د ناڤبەرا کۆمپانیێن پەترۆلێ یێن نێڤدەولەتى، حکومەتا فیدرال یا ئیراقێ و حکومەتا هەرێما کوردستانێ بۆ دەما شەش مەهان تا دویماهییا کانوونا دووێ یا سالا 2027ێ هاتییە درێژکرن.

ژبەر مەترسییێن هێرشێن درۆنى پترییا کۆمپانییێن د وارێ پەترۆلێ دا کار دکەن کارێن خۆ راوەستاندبوون و ئەگەر ژى بۆ پاراستنا گیانێ کارمەندان ڤەگەڕاندیە.