گاڤ

یانەیا زاخۆ دناڤ یاریگەها دهۆک دا نەشیا سەرکەفتنێ ل سەر یانەیا دیالا بدەستڤەبئینیت و ب وەکهەڤبوونێ رازی بوو، هەروەسا یانەیا هەولێرێ ژی سێ خالێن گرنگ ل دەرڤەیی یاریگەها خۆ بدەستڤەئینان و چوو پێشەنگییا خۆلا ستێرێن ئیراقێ.

د گەڕا 3ێ یا یارییێن خۆلا ستێرێن ئیراقێ دا، یانەیا زاخۆ دناڤ یاریگەها دهۆک دا رویبروی یانەیا دیالا بوو، یاری ژ بەر خرابییا چیمەنێ یاریگەها زاخۆ هاتبوو ڤەگوهاستن بۆ باژێرێ دهۆکێ. د خۆلەکا 40ێ ژ نیڤا ئێکێ دا، سیفۆ مۆبۆلی گۆلا ئێکێ بۆ زاخۆ تۆمارکر، لێ د نیڤا دویێ دا و د خۆلەکا 64ێ دا شێرکۆ کەریم هاتە دناڤ یاریگەهێ دا و بتنێ پشتی سێ خۆلەکان، د خۆلەکا 67ێ دا شیا گۆلا دویێ یا زاخۆ تۆماربکەت. یاری ب ئەنجامێ (2-2) ب دویماهی هات و زاخۆ ب کۆمکرنا 4 خالان ل رێزا 8ێ یا رێزبەندییێ جهێ خۆـگرت.

د یارییەکا دی یا هەمان گەڕ دا، یانەیا هەولێرێ ل باژێرێ بەغدا بوو مێهڤانا یانەیا کەرخ، یاریزان ئیبراهیم بایەش د خۆلەکا 4ێ یا دەستپێکا یارییێ دا شیا ئێکەم گۆلا خۆ ب درێسێ هەولێرێ و گۆلا پێشکەفتنا یانەیا خۆ تۆماربکەت. یانەیا هەولێرێ ب ڤێ سەرکەفتنێ، خالێن خۆ گەهاندە 7 خالان و جهێ خۆ ل رێزا ئێکێ یا رێزبەندییێ جهگیرکر.