گاڤ

 وەزیرێ پەترۆلا ئیراقێ د نڤیسارەکێ دا بەرسڤا حکومەتا هەرێمێ دایە و رەتکرییە پانزینێ فرێکەن و ئەگەر ژی دیارکرینە.

سیپان شێروانی، ئەندامێ لژنا نەفت و گازێ ل پەرلەمانێ ئیراقێ، ئەڤرۆ رۆژا پێنجشەمبی، 27-8-2026 ل هەژمارا خۆ د تۆرا جڤاکی یا فەیسبۆکی دا  نڤیسارەکا فەرمی یا وەزارەتا پەترۆلا ئیراقێ بەلاڤکرکو ئیمزایا باسم محەمەد، وەزیرێ پەترۆلا ئیراقێ ل سەرە  نڤیسار بەرسڤا داخوازیا نوینەرایەتییا حکومەتا هەرێما کوردستانێ یە کو تێدا داخوازا دابینکرنا بەنزینێ کربوو ب رێکا پالاوتنا 15 هزاربەرمیلێن پەترۆلا خاڤ یا رۆژانە ب بهایێ فەرمی.

وەزارەتا پەترۆلا ئیراقێ د بەرسڤا خۆ دا سێ ئەگەرێن سەرەکی بۆ رەتکرنا داخوازیا هەرێما کوردستانێ دیارکرینە، یا ئێکێ گۆڕانکاریێن "جیۆسیاسی" ل دەڤەرێ کو کارتێکرن ل سەر زنجیرا دابینکرن و بەرهەمهێنانێ هەبوویە، گەهشتن ب گۆپیتکا بکارئینانێ د وەرزی هاڤینێ دا کو تێدا ئاستێ بکارئینانا ناڤخۆیی ب ئاوایەکێ بەرچاڤ بلندبوویە، هەروەسا هاتنەخار یا یەدەگێ ستراتیجی یێ سووتەمەنییێ بۆ نزمترین ئاستێ یمەترسیدار.

سیپان شێروانی نڤیسییە: "ئەڤە نڤیسار و ئیمزایا وەزیرێ پەترۆلا ئیراقێ یە، کو دبیژیت: ئەز نەشێم بەنزین و بەرهەمێن پەترۆلێ بدەمە وە، نڤیسار یا سێ رۆژان بەری نوکەیە" هەڤدەم وی پەرلەمانتاری رەخنە  ژی ل وان کەسان ژی گرتینە یێن بەرگیرییێ ژ وەزیری دکەن و دبیژن، هەمی تشت بۆ هەرێما کوردستانێ دهێنە دابینکرن.