گاڤ

دەستپاکییا ئیراقێ دەستەسەرکرنا چار فەرمانبەرێن وەزارەتا کارەبێ ل پارێزگەها بابل ب تۆمەتا زیانگەهاندن ب بەرژەوەندیێن گشتى راگەهاند.

ئەڤرۆ ئێکشەمبێ دەستەیا دەستپاکییا ئیراقێ راگەهاند، تیمێن وان چار فەرمانبەرێن وەزارەتا کارەبێ ل پارێزگەها بابل ب تۆمەتا زیانگەهاندن ب بەرژەوەندییێن گشتى دەستەسەرکرن و دێ بۆ دادگەهێ هێنە رەوانەکرن و لێکۆلین دێ ل گەل دەستپێکەت.

تۆمەتبار چاڤدێرێن محاویلەیێن کارەبێ بوون و چەندین محاویلە د دەستێن وان دا بەرزەبووینە، هەروەسا دیارکر، ل گۆڕەیى ماددەیێ 340 ژ یاسایا سزادانێ هاتینە زیندانکرن.