گاڤ

ئەمریکا ب مۆشەکان ل گزیرتەیا لارک دا و ئیرانێ ژی بنگەهێن سەربازی ل سێ وەلاتێن دەڤەرێ کرنە ئارمانج.

شڤێدی ئەمریکا هێرشی بنگەهەکێ سەربازی یێ سۆپایێ پاسداران ل گزیرتەیا لارک یا نێزیکی دەرتەنگا هورمز کر. ئەمریکا راگەهاند کو ئیرانێ نیاز هەبوون ب رێکا وی بنگەهی هێرشێن مۆشەکی بکەت و مینان ل دەرتەنگا هورمز بچینیت.

سۆپایێ پاسدارێن ئیرانێ ئێکسەر گەفێن بەرسڤدانا هێرشا ئەمریکا کرن و دۆپاتکر کو کوشتی و بریندار د هێرشا ئەمریکا دا هەنە، د ناڤا وان دا پاسدار و سڤیل هەنە.

بەری سپێدەیا ئەڤرۆ ئیرانێ ب دەهان مۆشەکێن بالستی ئارستەیی ئوردنێ کر، میدیا ئیرانی راگەهاند کو هەردو بنگەهێن مەلک حسێن و شینل ئوردنێ بووینە ئارمانجا هێرشان و ژێرخانەیا وان هاتییە ژناڤبرن، ئوردن و ئەمریکا ژی پەقاندنا قان مۆشەکان ل ئاسمانی دۆپاتکر و راگەهاند کو هەر هەمی مۆشەک هاتینە پەقاندن.

پشتی وێ ئیرانێ ب درۆنان هێرشی بنگەهێ مەنهاد ل ئیماراتێ ژی کر، لێ ئەمریکا دبێژیت کو هەر هەمی مۆشەک و درۆن هاتینە پەقاندن.

دەنگێ پەقینان ل قەتەرێ ژی هاتییە گوهلێبوون، لێ هێشتا هێرش نەهاتییە پشتراستکرن.