گاڤ

ڤەکۆلینەکێ ل زانکۆیا ستۆنی برۆک ل ئەمریکا دیارکریە، بکارئینانا موبایلێ بەری نڤستنێ، کارتێکرنەکا نەرێنی ل سەر کوالێتییا خەوێ هەیە و مەترسییا تووشبوونێ ب کێشەیێن دەروونی زێدە دکەت.

دکتۆر جینا ماتیۆ، سەرپەرشتا ڤەکۆلینێ، راگەهاند: "بکارئینانا شاشەیان ل سەر جهێ نڤستنێ، دەمێ نڤستنێ پاشدئێخیت و کوالێتییا خەوێ کێم دکەت، ئەڤ چەندە ژی دشیاندایە ببیتە ئەگەرێ دروستبوونا کێشەیێن دەروونی یێن وەک دودلی و خەمۆکیێ."

هەروەسا دکتۆر جینا ماتیۆیێ پێشنیازکر کو ل شوینا بکارئینانا موبایلێ، بەری نڤستنێ پەرتووک بهێتە خواندن و موبایل ل دەرڤەیی ژوورا نڤستنێ بهێتە دانان ژ پێخەمەت هەبوونا خەوەکا باشتر و ساخلەمتر.

زانکۆیا ئەمریکی ئاماژەیێ ب وێ چەندێ ژی دکەت، هەر 20 خۆلەکێن بکارئینانا زێدەتر یا موبایلێ د رۆژێ دا، وەدکەت 8 هەتا 9 خۆلەکان زێدەتر ل درەنگییا شەڤێ ژ دەمژمێر 12:00ـی شەڤێ هەتا 5:00ـی سپێدێ بهێتە بکارئینان.