گاڤ

وەزارەتا ئاڤەدانکرن و ئانجیکرنێ ل ئیراقێ راگەهاند، قەیرانا ئاکنجیبوونێ وەسا کریە 3 ملیۆن کەس د ژینگەهەکا هەرەمەکى دا بژیت و ئاشکراکر، کەسێن دەستێن وان د چیت زێدەگاڤییێ ل سەر زەڤییان دکەن.

نەبیل سەفار، پەیڤدارێ وەزارەتا ئاڤەدانکرن و ئاکنجیکرنێ گۆت: دۆسییا ئاکنجیبونا هەرەمەکى و زێدەگاڤى ئالۆزە و ئەگەرێن سەرەکى ژى بۆ بلندییا بهایێ ئاڤاهییان ڤەدگەڕیت، ئەڤێ یەکێ ژى وەسا کریە پەنایێ ببەنە بەر زێدەگاڤییێ ل سەر زەڤیێن دەولەتێ کو د بنەڕت دا بۆ ئاکنجیبوونێ نەهاتینە تەرخانکرن.
هەروەسا ئاشراکر، ئەو زەڤى ب بهایەکێ ئەرزانتر د بازارى دا ژ ئالیێ هندەک کەسێن دەستێن وان دچیت زێدەگاڤى ل سەر دهێتەکرن و دەست ب سەردا دهێتە گرتن و نەبوونا یاسایێ و رەوشا ئێمناهى، سیاسى و ئابۆرى بۆ خۆ ب دەلیڤە دبینن.

هەروەسا ئاشکراکر، زێدەتر ژ 8 ملیۆن یەکەیێن ئاکنجیبوونێ هەنە و رێژەیا ئاکنجیبوونا هەرەمەکى 1.3%ێ یە کو کۆما یەکەیێن ئاکنجیبوونێ پێکدئینن، ژ وێ رێژێ ژى 0.4% خانیێن ئاخنى نە و 0.9%ێ کەرەڤان، خیڤەت، کەپر و کۆلکن.

هەروەسا ئاشکراکر، 4 هزار ناوچەیێن زێدەگاڤى هەنە کو زێدەتر ژ 3 ملیۆن کەسان تێدا دژین و هەژمارا یەکەیێن ئاکنجیبوونێ یێن ب زێدەگاڤى هاتینە ئاڤاکرن 104 هزار یەکەیانە .