گاڤ

مەسروور بارزانی، سەرۆکوەزیرێن هەرێما کوردستانێ و شێخ محەمەد بن زاید ئال نەهیان، سەرۆکێ ئیماراتێ کۆمبوون و تەکەزی ل سەر بهێزکرنا پەیوەندییێن دناڤبەرا هەولێر و ئەبۆزەبی دا کر.

کۆمبوون ل ئەبۆزەبییا پایتەختێ ئیماراتێ هاتە برێڤەبرن، جێگرێ سەرۆکێ ئیماراتێ و سەرۆکوەزیرێ وی وەلاتی و حاکمێ دوبەیی پشکداربوون.

ل گۆرەیی راگەهاندنەکا حکومەتێ، د دیدارێ دا تەکەزی ل سەر بهێزکرنا هاریکاری و هەماهەنگییێن دناڤبەرا هەرێما کوردستانێ و ئیماراتێ دا د هەمی کەرتان دا هاتە کرن.

هەروەسا سەرۆکوەزیرێ هەرێما کوردستانێ و سەرۆکێ ئیماراتێ دویماهی پێشهاتێن دەڤەرێ گۆتوبێژ کرن و جەخت ل سەر پێدڤییا پاراستنا ئاسایش و تەناهییا دەڤەرێ کر و هێرشێن ڤێ دویماهییێ یێن ل سەر ئیماراتێ ژی شەرمزارکرن.