دو درۆن ل ئاسمانێ هەولێرێ هاتنە تیکشکاندن
بەلاڤ بکە
گاڤ
ئەڤرۆ بەرێ سپێدێ ئیرانێ ب درۆن و مووشەکان هێرشى هەولێرێ و سێ وەلاتێن دى یێن ناوچێ کر و هێرشێن وان ژ ئالییێ سیستەمێ بەرگرییێ ڤە هاتە تێکشکاندن.
ئاژانسا ئەکسیۆس یا ئەمریکا ل سەر زارێ بەرپرسێن ئەمریکا راگەهاند، ئیرانێ دو درۆن ئاراستەیى بنگەهەکێ ئەمریکا ل هەولێرێ هاتنەکرن و ژ ئالییێ سیستەمێ بەرگرییێ ڤە هاتنە تێکشاندن و چ زیان نەبووینە.
ئەڤرۆ بەرێ سپێدێ ئیرانێ ب 25 مووشەکان هێرشى ئوردن، ب 2 گەڕێن درۆنان هێرشى بنگەهێ ئەمریکا ل بەحرێن کر و هەر هەمى هاتنە ژناڤبرن و تێکشکاندن.
ئاژانسا ئەکسیۆس ئاشکراکریە، ئیرانێ ب مووشەک و درۆنان هێرشى بنگەهەکێ ئەمریکا ل کوێتێ ژى کریە و کوێتێ بەرسڤا هێرشا وان دایە.
ژ ئالییێ خۆ ڤو سوپایێ پاسداران راگەهاند، هێرشێن ئەمریکا دێ زیانەکا مەزن ب ئابۆرێ جیهانێ گەهینن و دێ دەرتەنگا هورمز ب دائێخستى هێلن، هەروەسا ئاشکراکر، بەرسڤ دێ گەلەک دژوار بن.
