گاڤ

پارتا دیمۆکراتا کوردستان – ئیران راگەهاند، هەژمارەکا هێرشان ل سەر بنگەهـ و بارەگەهێن پارتییا وان هاتینە کرن و هێرش ل دو بەرەیان بوو.

کەریم پەروێزى، سەرکردەیێ پارتا دیمۆکراتا کوردستان – ئیرانێ گۆت: هێرش ل سەر بنگەهێن وان ب درۆنان هاتینە کرن و دو جهێ، وان کو کەمپەکا پارتێ یە بوویە ئارمانج.

هەروەسا ئاشکراکر، هێرشا ل سەر بالیسان ب سێ درۆنان بوویە و بارەگەهێ پارتێ بوویە ئارمانج، هەروەسا درۆنەکێ کو دێ کەمپا جژنیکان کربا ئارمانج هاتییە ئێخستن.

دیارکر ژى د هێرشان دا زیانێن گیانى نەبووینە لێ زیانەکا مەزن یا مادى ل پاش خۆ هێلایە و دوپاتکر ژى هێرش ل سەر بارەگەهێن پارتێ، بنگەهێن ساخلەمیێ و پێگەهێن فێرکاریێ دکەن.

هەر ژ دەستپێکا شەڕێ ڤێ دویماهییێ یێ ئەمریکا و ئیرانێ، ئیرانێ چەندین جاران هێرش ل سەر بنگەهـ و بارەگەهێن وێ پارتێ کریە و زیانێن گیانى و مادى ژى ل پاش خۆ هێلاینە.