گاڤ

 تا 2040ێ ژمارا ربۆتان دێ ژ مرۆڤان زێدەتر لێهێت، ئەڤە گۆتنا ئیلۆن مەسکی یە.

ئیلۆن مەسک، خۆدانێ کۆمپانییا تێسلا راگەهاند: پێشبینی دکەم تا 10 سالێن دی زێدەتری ملیارەکا ربۆتێن ل سەر شێوەیێ مرۆڤان د جیهانێ دا هەبن و تا سالا 2040ێ ژمارا وان بگەهیتە 10 ملیار ربۆتان و ژ مرۆڤان زێدەتر لێ بهێن.

مەسک دا زانین: ئەڤ پێشکەفتنە هەژارییێ ناهێلیت کەلوپەل و خزمەتگۆزاری دێ هند ئەرزان بن كو كاركرنا مرۆڤی دێ بتنێ وەکی حەز و ئارەزوویەکێ مینیت نه‌ك ژ نەچارى.

مەسک هۆشداری دا کو جیهان دێ رویبروی قەیرانا وزێ بیت چونکی تۆرێن کارەبێ یێن جیهانێ ب چ ئاوایەکی ئامادە نین بۆ دابینکرنا وێ رێژەیا مەزن یا وزێ یا کو دێ ب ملیاران روبۆت و کۆمپیوتەرێن ژیرییا دەستکرد پێتڤی پێ هەبن.