گاڤ

جڤاتا بلند یا دادوەرییا ئیراقێ راگەهاند، نابیت دروشمێن تایفەگەرى د میدیایێ دا بهێنە بکارئینان و ئاشکراکر، ئەو دروشتم دبنە ئەگەرێ دروستکرنا فتنێ.

ل ڤان دویماهییان ل سەرانسەرى میدیایا ئیراقێ دروشمێن تایفەگەرى گەلەک مشە بووینە و چ تشتەک ل پێش چاڤ ناهێتە وەرگرتن و بێرێزى ب سیمبول و پیرۆزییێن مللەت، ئۆل و نەتەوەیان دهێتەکرن.

ئەڤرۆ ئێکشەمبێ سپێدێ جڤاتا بلند یا دادوەرى نڤیسارەک ئاراستەیى دادگەهێن تایبەتمەند و داواکارێن گشتى کریە کو ئێدى نابیت دروشم و گۆتنێن تایفەگەرى د میدیایێ ب گشتى دا بهێنە گۆتن و ئەگەر ژى ڤەگەڕاندینە کو ئەو دروشم دبنە ئەگەرێ دروستکرنا فتنێ و دابەشکرنا کۆمەلگەهێ.

هەروەسا داخواز ژ وان سازییان ژى کریە پێڕابوونان ل هەمبەرى وان کەسان بگرنە بەر یێن وان دروشمان بکاردئینن و ان جهان ژى سزا بدەن.