گاڤ

وەزارەتا پلاندنانا ئیراقێ راگەهاند، بۆ برێڤەبرنا مامەلەیێن خۆ 25%ێ یا وەلاتییان بەڕتیل داینە و ئاشکراکر، گەندەلى و خزمخزمانێ د ناڤا سازییان دا هێشتا گەلەک مایە.

ل گۆڕەیى نویترین راپرسى و لێکۆلینا وەزارەتا پلاندانانا ئیراقێ 25%ێ یا وەلاتییان بۆ برێڤەبرنا مامەلەیێن خۆ بەڕتیل داینە و گەندەلى و خزمخزمانێ د ناڤا سازییێن حکومەتا ئیراقێ دا ب رێژەیەکا بەرچاڤ مایە و پێگەهێ عەشیرەتگەرییێ فاکتەرەکێ سەرەکى یێ دامەزراندنا فەرمانبەرانە.

ل گۆڕى پلاندانا ئیراقێ زێدەتر ژ 9 هزار و 800 فەرمانبەر ل پارێزگەهێن ئیراقێ ژبلى هەرێما کوردستانێ پشکدارى د راپرسییێ دا کریە و دیاربوویە ئیراق د دەستێ چەندین کێشەیان دا دنالیت و ل گۆڕەیى داتایان ژى 72.9%ێ یا فەرمانبەران دبینن رەگەزى کارتێکرنا خۆ هەیە.

هەر ل گۆڕەیى راپرسییێ 50.1%ێ عەشیرەتان کارتێکرنا خۆ هەیە و ب تایبەت ژى د کەرتێ دامەزراندنێ دا و رەنگڤەدانا وێ ل سەر فەرمانگەهێن حکومەتێ دیارە.