گاڤ

ڤەکۆلەرێن زانکۆیا ستانفۆرد ب رێیا چاڤدێرییەکا هویر، چەوانییا رێگریگرتنێ ل بەرکێ گولچیسکێ دیار دکەن. د. ئالان پاو، نۆشدارێ نەخۆشییێن گولچیسکان ل زانکۆیێ دیارکریە کۆ دناڤ لەشێ مرۆڤی دا پەمپەیەکا هویر یا کیمیایی یا هەیی کو دشێت ببیتە کەڤەرەک ل دژی بەرکێ گولچیسکێ.

د. ئالان پاو ل گەل هەڤکارێن خۆ چاڤدێرییا پرۆتینەکی کریە ب ناڤێ NaDC1 دناڤ خانەیێن گولچیسکێ دا و بۆ وان دیاربوویە کۆ ئەڤ پرۆتینە کۆنترۆلا ترشێ ستریک دکەت. ل گۆرەیی ڤەکۆلینێ، دەمێ ئەڤ پرۆتینە ب رەنگەکێ نەتەمام کار دکەت، رێژەیەکا مەزن یا ترشێ ستریک ب رێیا میزێ ژ لەشی دەردکەڤیت.

کێمبوونا ترشێ ستریک رێکێ خۆش دکەت بۆ ئێکگرتنا کالسیۆمێ و گوهۆرینا وێ بۆ کریستال کو ئەگەرێ سەرەکی یێ چێبوونا بەرکێ گولچیسکێ یە. ئەڤ ڤەدیتنە دشیاندایە ببیتە بنەمایەک بۆ چێکرنا دەرمانێن نوی ب مەلەستا رێکخستنا کارێ ڤی پرۆتینی و رێگریگرتن ل بەرکێ گولچیسکێ.

بۆ خۆپاراستنێ، نۆشدارێن ستانفۆرد ڤان رێنمایان ددەن:

  ● ڤەخوارنا رێژەیەکا گونجایی ژ ئاڤێ.

  ● پەیرەوکرنا خارنەکا ساخلەم.

ل گۆرەیی رێکخراوا ساخلەمییا جیهانی، شێوازێ ژیانا ساخلەم رامانا وێ ئەڤەیە: پەیرەوکرنا رێکەکا ساخلەم یا ژیانێ بۆ کێمکرنا مەترسیا تووشبوونێ ب نەخۆشییان و مرنا ژنیشکەکێڤە، هەرچەندە پترییا نەخۆشییان رێگری لێ ناهێتە کرن، لێ مەبەست ژێ پێشگیریکرنە ژ پترییا وان.

ل گۆرەیی WHO ئەڤێن ل خوارێ شێوازێ ژیانەکا ساخلەمن:

  ● گرنگیدان ب خوارنا کەسکاتی و فێقی.

  ● گرنگیدان ب خوارنا دەخلودانێن تەمام و بەرهەمێن کێم-دوهن.

  ● ڤەخوارنا رێژەیا پێدڤی یا ئاڤێ.

  ● گرنگیدان ب پرۆتینێن ناڤا ماسی، گۆشتێ سۆر، گۆشتێ مریشکێ، هێک و گەنمەشامییان.

  ● خوارنا رێژەیەکا دیاریکری یا کالۆرییان رۆژانە.

  ● سنۆردارکرنا شەکر، دوهن و خوارنێن بلەز (فاسـت فوود).

  ● کێمکرن و دویرکەفتن ژ کحولی، ڤەخوارنێن وزەیێ و ڤەخوارنێن گازی.

  ● نڤستنا باش.

  ● دویرکەفتن ژ کێشانا جگارە و نەرگەلەیان.

  ● هزرکرنا ئەرێنی و راهێنانێن ئارامییا دەروونی.