گاڤ

سەرۆک نێچیرڤان بارزانی ل گەل شاندەکێ بریتانی کۆمبوو، بەحس ل رەوشا ئەمنی و گاڤێن ئێکخستنا هێزێن پێشمەرگەی کر.

سەرۆک نێچیرڤان بارزانی ئەڤرۆ رۆژا پێنجشەمبی 10-9-2026ێ  ل گەل ئێدوارد ئالگرین، شیرەتکارێ بلندێ سەربازی یێ بریتانی بۆ رۆژهەلاتا ناڤین و باکۆرێ ئەفریقیا و شاندەکێ ل گەل دا کۆمبوو.

تەوەرێن سەرەکی یێن کۆمبوونێ:

هاریکارییا سەربازی، بەحسکرنا هاریکارییا ئەمنی و بەرگرییا بریتانیا ل گەل ئیراقێ و هەرێما کوردستانێ.

کۆنترۆلکرنا چەکی، گۆتوبێژکرن ل سەر کۆنترۆلکرنا چەکی ئالییێ حکوومەتا فیدرال یا ئیراقێ ڤە.

رێکخستنا پێشمەرگەی، گۆتوبێژکرنا گاڤێن ئێکخستنا هێزێن پێشمەرگەیی.

رەوشا ئەمنی، گۆتوبێژکرن ل سەر داوی پێشهاتێن ئەمنی یێن دەڤەرێ .

هەلویستێن هەردو ئالییان:

نێچیرڤان بارزانی، سوپاسییا پشتەڤانییا بەردەوام یا بریتانیا کر ل دۆر مەشق و راهێنانا سەربازی و ئەمنی بۆ ئیراقێ و هەرێما کوردستانێ و دوپاتی ل بەردەوامییا هەماهەنگییێ بۆ رویرویبوونا بەرمایکێن داعشێ و مەترسییا تیرۆرێ کر.

ئێدۆارد ئالگرین، دووپات کر کو وەلاتێ وی ب گرنگیڤە بەرێخۆددەتە ددەتە پەیوەندییان ل گەل ئیراقێ و هەرێما کوردستانێ و سه‌قامگیرییا وان، هەروەسا بەرهەڤییا بریتانیا بۆ بەردەوامییا هاریکارییێ و بەرفرەهکرنا هەڤپشکییا ئەمنی نیشان دا.