گاڤ

شاندا هەرێما کوردستانێ ڤەگەڕیا هەولێرێ شاند ل گەل سێ وەزیران کۆمبوویە و دوپاتى ل مووچە و مافێن دارایى یێن هەرێما کوردستانێ.

ل گۆڕەیى زانیارییان شاندا هەرێما کوردستانێ ڤەگەڕیا هەولێرێ و شاندى د سێ کۆمبوونێن خۆ دا ل گەل وەزیرێن دارایى، پەترۆلێ و پلاندانانێ دوپاتکریە، نابیت مووچە تێکهەلى چ تشتان بهێتەکرن و داخوازییەکا وەزیرێ دارایى یێ ئیراقێ ژى رەتکریە.

هەرێمێ دو فۆرم داینە بەغدا:

• فۆرما خەملاندنا داهاتێن هەرێمێ
• قەرەبوویا فەرمانبەران و پێدڤیێن خزمەتگۆزارى

داخوازا وەزیرێ دارایى و بەرسڤا هەرێمێ:

• هەمى داهات بۆ خەزینەیا ئیراقێ ڤەگەڕیت و شاندا هەرێمێ رەتکریە و دیارکریە، ئەو بەرۆڤاژى دەستوورى یە.

هەلوەستێ هەرێمێ گرێدایى بڕیارا دادگەها فیدرالە:

هەرێمێ داخوازکریە حکومەتا ئیراقێ پێگیریێ ب بڕیارا جڤاتا دادوەرى بەت، کو ل 21-2-2024ێ حکومەتا ئیراقێ پێگیرکربوو ب هنارتنا مووچەیى و تێکهەلنەکرنا وێ ل گەل چ کێشەیێن دى و هەلوەستێ هەرێمێ بهێزە بۆ دانوستاندنان، ژبەرکو هەرێم رۆژانە زێدەتر ژ 200 هزار بەڕمیلێن پەترۆلێ د فرۆشیت.