گاڤ

وەزیرێ ناڤخۆیێ هەرێمێ راگەهاند، هەڤپەیمانان رێکارێن ڤەکێشانێ ژ ئیراق و هەرێما کوردستانێ دەستپێکرینە و دبیت تا دویماهیکا ڤێ هەیڤێ  چ هێز نەمینن.

رێبەر ئەحمەد، وەزیرێ ناڤخۆ یێ حکومەتا هەرێما کوردستانێ راگەهاند، هەڤپەیمانان رێکارێن ڤەکێشانێ ژ ئیراق و هەرێما کوردستانێ دەستپێکرینە و پێشبینى کر پشتى 1-10 هەر هەمى هێز د ئیراقێ دا نەمینن و ئاشکراکر، رەوشا ئێمناییا ئیراق و هەرێمێ پێدڤى ب هاریکارییا هەمى ئالییەکى هەیە و دوپاتکر، نابیت پشتى چوونا هەڤپەیمانان ڤالاهییا ئێمناهییێ ل ئیراقێ دروست بیت.

وەزیرێ ناڤخۆیێ هەرێمێ  ل دۆر رەوشا شنگالێ ژى ئاخفت و خویاکر، پێدڤییە رەوشا شنگالێ بهێتە ئاسایکرن دا ئاڤەدانى بلەز لێ بهێتەکرن و دانانا دەڤەردارەکى بۆ شنگالێ دێ کێشەیێن شنگالێ چارە کەت.

ل دۆر مەترسى و ترسا ل سەر کۆمپانیێن بەرهەمئینانانا پەترۆلێ ل هەرێما کوردستانێ ژى دیارکر، کۆمپانیێن پەترۆلا هەرێمێ داخوازا گەرەنتییا پاراستنا خۆ دکەن.