گاڤ

هەلبژارتییێ ئیراقێ ئەڤرۆ ل باژێرێ جەددە ل سعودییێ دێ ئێکەم یەکەیا مەشق و راهێنانێن خۆ بۆ پشکداریکرنێ ل جامی کەنداڤی 27 ئەنجام ددەت و بەرهەڤییان بۆ ئێکەم یاریا خۆ د قارەمانییێ دا کەت.

راهێنانێن هەلبژارتییێ ئیراقێ ئەڤرۆ رۆژا دوشەمبییێ ل دەمژمێر 6ێ ئێڤاری ل یاریگەها باژێرێ وەرزشییی یێ شاهـ عەبدولعەزیز ب سەرپەرشتییا راهێنەر گراهام ئارنۆلد دەستپێدکەن.

هەلبژارتییێ ئیراقێ د ئێکەم تاقیکرنا خۆ دا ل جاما کەنداڤی 2027، رۆژا چارشەمبییێ ل دەمژمێر 5:30ێ ئێڤاری ل یاریگەها ئەمیر عەبدوللا فەیسەل دێ رویبروی هەلبژارتییێ عومان بیت.

شێرێن رافیدەین ل جاما کەنداڤی ل گرۆپێ ئێکێ یارییێ دکەن، رۆژا شەمبییێ 26ی مەهێ دێ بەرامبەر کوێت یارییێ کەن و ل دویماهی یاریا قۆناغا گرۆپان ژی ل 29ی هەیڤێ دێ رویبروی سعودییێ بن.

دهێتە پێشبینیکرن ئەڤرۆ ژی ژمارەکا یاریکەرین پیشەکار پەیوەندییێ ب شاندێ هەلبژارتییێ ئیراقێ بکەن، بۆ پشکداریکرنێ د قارەمانییا کەنداڤی دا.