تورکیا.. ل نێزیکی قوتابخانەیەکێ تەقە هاتە کرن بریندار هەنە
09/22/2026 - 09:40
گاڤ
کەسەکێ نەنیاس ئەڤرۆ سپێدێ ل باژێرێ مانیسا یێ تورکیا ل نێزیکی قوتابخانەیەکێ تەقە کر، ژمارەکا قوتابییان بریندارکرن.
ل گۆرەی زانیارییان، رویدان ئەڤرۆ رۆژا سێشەمبی دەمژمێر8ێ سپێدێ ل نێزیکی ئامادەییا پیشەیی و تەکنیکی یا ئینجی ئوزمەر ل تاخێ ئەلبایراک ل باژێرکێ تورگوتلو یێ سەر ب پارێزگەها مانیسا ڤە چێبوویە.
تەقەکری ب ئاوایەکێ هەرەمەکی تەقەکرییە و تا نوکە ئەگەرێن تەقەکرنێ و ناسنامەیا وی نەهاتینە زانین، پشتی رویدانێ ژمارەکا مەزن یا هێزێن پۆلیس و تیمێن هەوارهاتنێ چوونە جهێ رویدانێ.
پارێزگارێ مانیسا د راگەهاندنەکێ دا بەلاڤکرییە کو زانیاری ل سەر تەقێ گەهشتینە وان و تیمێن ئاسایشێ و ساخلەمییێ لێکولینان ل سەر رویدانێ دەستپێکرینە.
GAV