گاڤ

لێکۆلینەکا ساخلەمی یا نوی دیار کرییە کو نڤستنا زێدەتر ژ نەهـ دەمژمێران د شەڤەکێ دا پەیوەندی ب بلندبوونا رێژەیا مرنێ ڤە هەیە، جوداهی ب نڤستنا حەفت تا هەشت دەمژمێران.

تیمەکا لێکۆلینان یا تایوانی بۆ دەمێ 30 سالان دویڤچوون بۆ خەوا زێدەتر ژ سێ هزار کەسان کربوو، د ئەنجامان ئاشکرابوو کو رێژەیا مرنێ د ناڤ ئەو کەسێن شەڤانە 7 هەتا 8 دەمژمێران دنڤن کێمترین رێژە بوویە و گەهشتییە 10.57 حالەتان ل ناڤ هەرهزار کەسان دا، د دەمەکی دا ئەو کەسێن ژ نەهـ دەمژمێران پتر دنڤن رێژەیا مرنێ ل ناڤا هەر هزار کەسان دا گەهشتییە 11.27 حالەتان.

لێکۆلەر ئاماژێ ب هندێ دکەن کو خەوا زێدە کارتێکرنێ ل دەمژمێرا بایلۆجی یا لەشی، رێکخستنا هۆرمۆنان و سیستەمێ بەرگرییێ دکەت، و مۆلەتێ ددەتە بلندبوونا فشارا خوێنێ و هەوکرنێ کو مەترسییا نەخۆشییێن دلی و جەلتەیێن مێشکی زێدە دکەن، پسپۆر شیرەتان ددەن کو کەسێن مەزن شەڤانە د ناڤبەرا 7 هەتا 9 دەمژمێران دا بنڤن.