گاڤ

رۆژنامەیا جیرۆزالیم پۆست یا ئسرائیلى راگەهاند، بەرپرسێن بەرگرییێ یێن ئسرائیلێ ب هویرى چاڤدێرییا حکومەتا ئیراقێ دکەن بۆ ژ چەککرنا گرۆپێن چەکدار یێن سەر ب ئیرانێ ڤە، هەڤدەم تلئەڤیڤ ترس هەیە ل گەل ب دویماهى هاتنا دەمێ وان ئەو گرۆپ هێرشان ل سەر ئسرائیلێ بکەن.

عەلى زەیدى، سەرۆکوەوزیرێن ئیراقێ دوپاتکریە، دڤێت گرۆپێن چەکدار دەست ژ چەکى بەردەن و دویماهى ژڤان دویماهییا ڤێ مەهێ یە.

ل گۆڕەیى رۆژنامەیا جیرۆزالیم پۆست یا ئسرائیلى کو ئەڤرۆ راپۆرتەک ل دۆر گرۆپێن چەکدار یێن ئیراقى بەلاڤکریە و دیارکریە، بەرپرسێن وان یێن بەرگرییێ ب هویرى چاڤدێرییا وان گرۆپان دکەن و هەروەسا ئاگەهـ ژ حکومەتا ئیراقێ ژى هەیە بۆ هاڤێتنا وان گاڤان.

هەروەسا دیارکریە، تا نوکە وان گرۆپان داخوازى رەتکریە و ڤەکێشانا هێزێن ئەمریکى ب مەرجێ سەرەکى یێ چەکدانانێ دیارکریە.

ل گۆڕەیى رۆژنامەیا جیرۆزالیم وان گرۆپان گرنگییەکا زێدە ب سیستەمێ هەوالگێرى یێ ئسرائیلی دایە و ل ڤان حەفتیێن دویماهیێ ژى چەکەکێ زێدە بریە سەر سنۆرێن ئیراقێ.

راپۆرتێ ئاشکراکریە، ل ڤان دویماهییان گرۆپێن چەکدار تێکهەلى سیاسەتا ئیرانێ و یا حووسیان ببوون و نامە بۆ بەغدایێ هاتییە هنارتن بەرسڤا ئیرانێ دێ دژوار بیت ئەگەر ئەو گرۆپ نەهێنە ژ چەککرن.

رۆژنامەیا جیرۆزالیم ئاشکراکریە، ئەمریکا رۆلەکێ گرنگ بۆ ناڤبەینکارییا ئیراقێ و ئسرائیلێ گێڕایە و نامەیێن وان گەهاندینە ئێک.