گاڤ

سەرۆکێ سووریێ راگەهاند؛ دانپێدانان بە مافێن زمان و کلتۆری یێن کوردان ل سووریێ ئەرکەکێ ل سەر ملێن حکومەتێ و مافەکێ رەوایێ گەلێ کورد بوو پشتی 100 سالان و دیار ژی کر: ل گەل سەرکردایەتییا کوردی رێککەفتینە ل سەر هندێ کو ل دەڤەرێن کوردی خواندن ب زمانێ کوردی بیت.

برێت مەکگۆرک، ڤەکۆلەر و شرۆڤەکارێ ئەمریکی د هەڤپەیڤینەکێ دا ل جڤاتا ئەتلەنتیک ل نیویۆرک، ئاماژە ب مەرسوما ژمارە 13 یا سەرۆکایەتییا سووریێ دا و ب بەلگەنامەیەکا سەرنجراکێش وەسف کر، هەڤدەم دلگرانییا خۆ دیار کر بەرامبەر زێدەبوونا گرژییان، ب تایبەت پشتی شەهیدکرنا شەرڤانەکێ کورد ل حەسەکێ هەروەسا دەربارەی پرسا خواندنێ ب زمانێ کوردی و مسوگەرکرنا مافێ پێکهاتەیان د پاشەرۆژا سووریێ دا ئاراستەی سەرۆکێ سووریێ کر.

ئەحمەد شەرع ب ڤی رەنگی بەرسڤ دا و گۆت؛ "سووریێ دیرۆکەکا دێرین ل پێکڤەژیانێ هەیە و کورد پشکەکا سەرەکی نە ژ جڤاکێ سووریێ، دەربارەی پرۆسەیا پەروەردێ ژی گۆت؛ رێککەفتینە کو ل دەڤەرێن کوردی خواندن ب زمانێ کوردی بیت و تیمێن تەکنیکی ژ وەزارەتا پەروەردێ مژولی دارشتنا میکانیزمێن بجهئینانا وێ مەرسومێ نە".

ل دۆر کۆنترۆلکرنا دەڤەران ئێکخستنا هێزێن سووریا دیمۆکرات هەسەدە، شەرعی گۆت" پشتی وێ رێککەفتنا ل گەل وان هاتییەکرن، نوکە نێزیکی تەمام ئاخا سووریێ ل بن کۆنترۆلا دەولەتێ دایە".