گاڤ

ئەڤرۆ سپێدێ ب فڕۆکەیێن شەڕى و درۆنان پاکستانێ 10 جهێن ئەڤغانستانێ بۆمبەبارانکرن و پاکستان دبێژیت: وان هێرش ب ئەنقەست کرینە.

هێرشێن پاکستانێ هەڤدەمى هێرشێن خویناوى یێن سنۆرى نە کو دەم بۆ دەمى ئەڤغانستان و گرۆپێن د ناڤا وێ دا ل سەر پاکستانێ دکەن.

عەتەللا تارار، وەزیرێ راگەهاندنێ یێ پاکستانێ ل سەر پلاتفۆرما ئێکس دیارکریە، سوپایێ وەلاتێ وى ب فڕۆکەیێن شەڕى و درۆنان هێرش ل سەر 10 جهان ل ناڤا ئەڤغانستانێ کریە و هێرش ب شێوەیێ ئەنقەست و دیارکرى هاتینە کرن و ئارمانجێن وان دیارکرینە و ب هوورى هێرش هاتینە کرن.

ناکۆکیێن ناڤبەرا پاکستان و ئەڤغانستانێ پشتى ڤەکێشانا هێزێن ئەمریکا ژ ئەڤغانستانێ بەرفرەهتر بووینە و دەم بۆ دەمى هەر دو ئالى ب دژوارى هێرشان ل سەر ئێک دکەن.