گاڤ

لژنەیا دارایی ل پەرلەمانێ ئیراقێ ڕاگەهاند، مووچەیێ ڤێ هەیڤێ یێ فەرمانبەر و مووچەخۆرێن هەرێما كوردستانێ دێ ب شێوەیەكێ ئاسایی هێتە خەرجكرن و چ ئاستەنگ و ئارێشە نینن.

دوهى وەزارەتا دارایى و ئابۆرى لیستا مووچەیێ مەها نەهـ و تەرازوویا پێداچوونێ یا مەها هەشت بۆ بەغدایێ رەوانەکریە.

عودەی عەواد، سەرۆكێ لژنەیا دارایی گۆت: بەرهەمئینان و هنارتنا پەترۆلێ گەهشتییە رەوشا خۆ یا ئاسایی، هنارتنا دۆلاری ژ ئالییێ ئەمریكا ڤە یا بەردەوامە، مووچەیێ ئەڤ سالە یێ هەموو فەرمانبەرێن ئیراقێ یێ مسوگەر و پاراستییە.

ئاماژە ب هندێ ژی دا، پێشتر ئارێشەیا پارەیێ كاش هەبوو، لێ نوكە ئەو تشتە ژی نەمایە، ئەگەر مابیت ژی ب رێژەیەكا كێمە و ب ساناهی دهێتە چارەسەركرن