گاڤ

وەزیرێ گەنجینەیا ئەمریکا راگەهاند، تیمێن واشونتۆن ل سەرانسەرى جیهانێ بەلاڤبووینە و دێ سزایێن ل سەر ئیرانێ ل گەل وەلاتان بەحس کەن.

سکوت بیسنت، وەزیرێ گەنجینەیا ئەمریکا گۆت: واشونتون چەندین تیم جیهانێ هنارتینە چەندین وەلاتان ل سەرانسەرى و ئەو تیم دێ پێڕابوونان بۆ دوورپێچێن ئابۆرى ل سەر ئیرانێ گرنە بەر، هەروەسا دیارکریە، بانک و کۆمپانیێن فڕۆکڤانییێ دێ بەر ب بڕیارێن ئەمریکا کەڤن.

هەروەسا ئاشکراکر، نوکە هەر ئێک ژ تورکیا، عومان و ئیماراتێ گەشتێن خۆ ل گەل ئیرانێ راوەستاندینە و دێ ل گەل وەلاتێن دى ژى یێن جیهانێ هێنە ئاخفتن کو گەشتێن خۆ راوەستینن، بەرۆڤاژى دێ راستى سزایێن ئەمریکا هێن.

گەلەک ژ وەلاتێن دۆست و هەڤپەیمانێن ئەمریکا ب نیاز نینن گەشتێن خۆ ل گەل وى وەلاتى راوەستینن، لێ دبیت سزایێن ئەمریکا وان وەلاتان ژى نەچار بکەت.