گاڤ

مالپەرێ فۆتی هێدلاین بەلاڤکر: ستێرا ئەرجەنتینی لیۆنێل مێسی ب رژدی هزرا هێلانا تەپاپێ ب ئێکجاری ل دویماهییا ئەڤ سالە دکەت، سەرەرای هەبوونا گرێبەستێ ل گەل یانەیا ئنتەر مەیامی کو تا دیماهییا وەرزێ 2027 ب- 2028ێ یە.

مالپەرێ فۆتی هێدلاین بەلاڤکرییە هەرچەندە ئەڤ زانیارییە ب رێژەیا 100% نەهاتینە پشتراستکرن، بەلێ ژ ژێدەرەکێ باوەرپێکری هاتینە وەرگرتن کو لیۆنێل مێسی هزر د وێ یەکێ دا دکەت زویتر دویماهییێ ب کاروانێ خۆ یێ وەرزشی بینیت.

 بریارە مێسی دویماهی یاریا خۆ یا یا مالئاڤاهییێ ل گەل ئەرجەنتینێ بەرامبەر هەلباژرتییێ بنین ل 6ی چریا ئێکێ ل یاریگەها مۆنۆمێنتال ل بۆینس ئایرێس ئەنجام بدەت.

کلاودیۆ تاپیا، سەرۆکێ ئێکەتییا تەپاپێ یا ئەرجەنتینێ ژی راگەهاند کو ئەڤ یارییە دەرفەتەکا مەزنە بۆ رێزلێنانێ ژ کاپتنێ دیرۆکی یێ وی وەلاتی.