گاڤ

ئەگەرێن تەعلاتییا دەڤی ل دەمێ هشیاربوونێ ژ خەوێ چنە؟ لەشێ تە دڤێت تە ل سەر چ مەترسی ئاگەهدار کەت؟ کەنگی دێ پێدڤی نۆشداری بی؟

گەلەک کەس دەمێ سپێدەهییان ژ خەو هشیاردبن هەست ب تەعلاتییێ د دەڤێ خۆ دا دکەن ئێکسەر گۆمان بۆ دروست دبن تایبەت هەبوونا کێشەیێن مێلاکێ، بەلێ نۆشدار دیار دکەن کە ئەڤ نیشانە ب تنێ بەس نینە بۆ دیارکرنا نەخۆشییا مێلاکێ، بەلکو گەلەک ئەگەرێن دی ژی هەنە.

دکتۆرا ئەلمۆر، نۆشدارا تایبەتمەندا دل و هناڤان بۆ مالپەرێ ئەلکۆنسلتۆ ئاشکرا دکەت: کو هششکبوونا دەڤی ل دەمێ خەوێ و کۆمبوونا بەکتریایان دبیتە ئەگەرێ گۆهرینا تام و بێھنا دەڤی ل سپێدەهییان هەروەسا، ڤەگەریانا ترشاتییا مەعیدەی ژی ئەگەرەکێ سەرەکییە، تایبەت ئەگەر تاما تەعلاتییێ ل گەل بەرسۆژێ یان سۆتنا گەوریێی بیت ل دەمێ نڤستنێ پشتی خوارنێ.

دکتۆرا ئەلمۆر دبێژیت: کو ئاریشەیێن مێلاکێ ب تنێ ب تاما تەعەل ناهێنە دەستنیشانکرن، بەلکو نیشانێن دی یێن وەک زەربوونا چاڤ و پیستی (زەرک) و تاریبوونا رەنگێ میزێ ژی ل گەل هەنە.

بۆ خۆپاراستنێ، شیرەتان ددەت کو پاقژییا دەڤ و ددانان ب باشی بهێتە پاراستن، ئاڤ زێدە بهێتە ڤەخوارن، و خوارنێن گران راستەوخۆ بەری نڤستنێ نەهێنە خوارن، ئەگەر ئەڤ حالەتە ب بەردەوامی دوبارە بوو یان ئێشانا زكی و گۆهۆینا کێشێ ل گەل بوو، پێدڤییە سەرەدانا نۆشداری بهێتەکرن.