گاڤ

ئالینا حەبە خەلکا ئیراقێ یە و شوى ب وەبەرهێنەرێ تورک تورهان میلدۆن کر، شەهیانەکا شاهانە ل ئۆتیلا والدۆرف ئاستۆریا ل نیۆیۆرک گێڕا، 900 هزار گول بۆ شەهیانێ هاتبوونە ئامادەکرن.

ژبلى خوارن و ڤەخوارنێن گران بها و مارکێن جیهانى یێن ملووکان، راپەرێ ئەمریکى یێ ناڤدار نیلى ئاهیا ژى ئینا بوو ئاهەنگێ و ب سترانێن خۆ هۆلا ئۆتێلێ ئێخستە د سەقایەکێ دى دا.

ل هەمى جیهانێ بتنێ کراسەک بۆ بیکێ هەیە و پترییا جاران ژى کراس یێ سپى یە، لێ حەبەیێ سێ کراس بۆ شەهیانا خۆ بکارئینان و کرنە بەر خۆ.

ئالینا حەبە کى یە؟

ل سالا 1984ێ  ل نیوجێرسى ژ دایک بوویە و ژ خێزانەکا ئیراقى یا کلدانى یە و خواندنا خۆ ل قوتابخانا کنت بلیس تەمامکریە و بەکالۆریۆس ب زانستێن سیاسى ئینایە، پشتى دەرچوویى وەک نڤیسەر ل دەف دادوەرەکى کار کریە و پاشى ل سالا 2012 تا 2020ێ بوویە رێڤەبەرا بجهئینانێ یا کۆمپانییەکێ و پاشى دبیتە پاریزەرا سەرەکى د سێ دۆسییان دا و کو گرێدایى مالا بێ سەمیانان بوو و پشتى ڤان دۆسییان ل هەر ئێک ژ نیۆیۆرک، نیوجێرسى و کۆنیتیکت مۆلەتا پارێزەریێ ب دەستڤە ئینا.

ئالینایێ بەرى نوکە دو جاران شى کریە و جودا بوویە ئێک ژ وان د ناڤبەرا سالێن 2011 تا 2019ێ دا هەڤژینى ل گەل ماسیۆ ئاین پێک ئینا و پاشى جودابوون و د دویف دا شوى ب گریگ رۆبن کر ئەو ژى جوهى بوو، پاشى خۆ ژ وى ژى جودا کر.

ئەو کچا ئیراقى وەک شیرەتکار و پارێزەرا ترامپى ل سالا 2025ێ هاتە دیارکرن و بۆ دەما چەند مەهەکان ل سەر کارێ خۆ بەردەوام بوو و پاشى ئەو کارە ژى هێلا.