گاڤ

فەرماندەیا ناڤەندی یا هێزێن ئەمریکی (سێنتکۆم) ب دویماهیهاتنا ئەرکێ هێزێن خۆ ل ئیراق و هەرێما کوردستانێ راگەهاند و گۆت: هێزێن ئیراقی و پێشمەرگەی نوکە شیانێن رویبرویبوونا گەفان هەنە

ل گۆێرەی راگەهاندنا سێنتکۆمێ، ئەڤ ڤەکێشانا هێزان پشکەکە ژ پلانا ڤەگوهاستنێ بۆ پەیوەندیەکا بەرگرییێ یا دو قۆلی د ناڤبەرا ئەمریکا و ئیراقێ دا، هەروەسا وان بارەگەهێ خۆ بۆ ئوردنێ بۆ ئوردنێ ڤەگۆهاستییە دا کو بەردەوامییێ ب شەڕێ دژی داعشێ ل سووریێ بدەن.

سێنتکۆم سوپاسیا سەرباز و دپلۆماتکارێن ئەمریکی کر و راگەهاند کو داعش ئێدی نە گەفەکا سیستەماتیکە بۆ سەر ئاسایشا ئیراقێ، هێزێن ئێمناهی یێن ئیراقی و هەرێما کوردستانێ ژ وان و پێشمەرگەی نوکە شیانێن رویبرویبوونا گەفان هەنە.

ئاماژە ژی کرییە: پرۆسەیا ڤەکێشانێ ژ چریا ئێکێ یا سالا بۆرى دەستپێکر بوو و ل ئیلۆنا ئەڤ سالە ب ڤەگۆهاستنا هەمی کارمەند و کەلوپەلان ژ بنگەهێ ئاسمانی یێ هەولێرێ ب دویماهیک هات، کو ئەڤ بنگەهە ژ سالا 2014 وەرە ناڤەندەکا سەرەکی یێ سیرەتکارییێ بوو.

سێنتکۆمێ ل دویماهییێ دوپات کر کو هێزێن ئەمریکا و هەڤپەیمان یێن ل سەرانسەری دەڤەرێ جهگیر، بەرهەڤن بەرسڤا هەر گەفەکا داعشێ بدەن ئەگەر سەرهلبدەت.