گاڤ

وەزیرێ دەرڤە یێ ئیراقێ ل واشنتن راگەهاند، حکومەتا ئیراقێ رەشنڤیسا پلانەکا گشتگیر بۆ کۆنترۆلکرنا چەکی ب دەستێ دەولەتێ بەرهەڤکرییە و ل چەندین رۆژێن بهێن دا دێ پێشکێش کەت.

ل گورەی ڕاگەهاندنەکا وەزارەتا دەرڤە یا ئیراقێ، جڤاتا ئه‌تلانتیك ل واشنتنا پایتەختێ ئەمریکا د کۆربەندەکی دا ژ ژێر ناڤێ ئیراق پشتى 30ی ئیلۆنێ، مێهڤاندارییا فوئاد حسێن، وەزیرێ دەرڤە یێ ئیراقێ کر.

د کۆربەندی دا بەحسا پەیوەندییێن واشنتن و بەغدا، پاشەرۆژا هاریکارییێن ئەمنی، بەرهنگاربوونا داعش و هەلویستێ ئیراقێ بەرامبەر هەڤرکیێن هەرێمی و سزایێن سەر ئیرانێ هاتە کرن.

فوئاد حوسێن دەربارەی بابەتێ چەکی ئاشکرا کر: حکومەتا ئیراقێ رەشنڤیسا پلانەکێ بۆ کۆنترۆلکرنا چەکی ب دەستێ دەولەتێ بەرهەڤکرییە و بریارە ل رۆژێن بهێن دا بهێتە پێشکێشکرن، کو خشتەیەکێ دەمی یێ دیارکری بۆ بجهئینانێ تێدایە.

وەزیرێ دەرڤە یێ ئیراقێ ژڤانێ دوماهییێ یێ پلانێ ژی دیار کر و گۆت: عەلی زەیدی راگەهاندیە کو ژڤانێ دوماهییێ بۆ تەمامکرنا ڤێ پلانێ، دێ هەیڤا خزیرانا سالا 2027ێ بیت.