گاڤ

ب فەرمانا وەزیرێ دەرڤە یێ ئەمریکا شاندا کۆمارا ئیسلامى یا ئیرانێ ئەمریکا بجهـ هێلا و رێ نەهاتە دان کۆمبوونێن خۆ یێن دى بکەت.

مالپەڕێ ئەکسیۆس ژ زارێ بەرپرسێن ئەمریکا و ژێدەرێن ئاگەهدار کو نەڤیاینە ناڤێ خۆ ئاشکرابکەن دیارکریە، مارکۆ رۆبیۆ، وەزیرێ دەرڤە یێ ئەمریکا ب بەهانەیا ب سەرڤەچوونا مۆلەتا مانێ، داخواز ژ شاندێ ئیرانێ کریە نیۆیۆرک بجهـ بهێلن، عەباس عێراقچى، وەزیرێ دەرڤە یێ ئیرانێ د ناڤا وان کەسان دا بوو کو فەرمان ژێ بگریت.

سێشەمبا بۆرى کۆچکا سپى گەشبین بوو ب ئەگەرا پێشکەفتنێ د دانوستاندان دا بەلێ ئێڤارییا هەمان رۆژ هەر دو ئالى ل سەر هەلوەستێن خۆ یێن توند بەردەوام بوون.

ل گۆڕەیى ژێدەران ناڤبەینکارییا قەتەر و پاکستان بزاڤەکا باش بوو بۆ دیتنا ئاسۆیەکى دیپلۆماسى و دەربازبوونا قەیرانان لێ چ پێشکەفتن ب خۆڤە نەدیتن.

چاڤدێر گاڤێن رۆبیۆیى ب گاڤەکا شاش یا دیپلۆماسى وەسف دکەن و کووراتییا باوەریێ و دابڕینا سیاسى د ناڤبەرا هەر دو وەلاتان دا بەر ب دوماهیێ ڤە دبەت.