گاڤ

ئەڤرۆ نەهەمین کاروانێ رووفاتێن جینۆسایدا شنگالێ دێ ب کەس و کارێن وان هێنە رادەستکرن کو پترییا وان خەلکێ کۆچۆ نە.

ئەڤرۆ نەهەمین کاروانێ رووفاتێن قوربانیێن جینۆسایدا شنگالێ دێ ب کەس و کارێن وان هێتە رادەستکرن و ئەڤ پرۆسەیە پشتى تەمامبوونا پشکنیێن نۆشدارى و نیاسینا وان ب رێکا دى ئێن ئەى دهێت کو دەما 6 سالانە ل نۆشدارییا داد ل بەغدایێ کار ل سەر دهێتەکرن.

زانیارى دیاردکەن، کاروانێ رووفاتان ژ 25 قوربانییان پێک دهێت کو پترییا وان خەلکێ کۆچۆنە، تەمەنێ قوربانییان د ناڤبەرا 12 تا 70 سالییێ دایە و ل سالا 2014ێ ژ ئالییێ رێکخستنا تیرۆرستییا داعشێ ڤە هاتینە شەهدیکرن.

ناڤێن قوربانییان:

حاجی مراد بەسمێ

حاوی خەلەف قاسم

دەخیل عومەر سێدۆ

عامر خدر مەتۆ

غەزال عەباس قاسم

وشیە بەشار جەراع

حەنیفە خەلەف شەڕۆ

جیان ئۆسمان زەفۆ

نووری شەرەف ئیبراهیم

مسری حەمیدان موراد

شرین قاسم خودێدا

نیسان خەلەف عەلی

عەدنان هادی حسێن عەزیز

حەجی خودێدا خەلەف

بەرجەن خەلەف موراد

سەحەر خەشان رەشۆ

عەلا بەرەکات ئیلیاس

مەروان ئیسماعیل سەیدۆ

عەباس ئیلیاس قاسم

رافع هادی حسێن

جۆکۆ مراد بەشار

خزر مشکۆ ناسر

حەواس حەبیبۆ کەتۆ

سیروان بەرجەس سلێمان

حسێن بەرجەس سلێمان

رووفات دێ ل مۆنۆمێنتا جینۆسایدا شنگالێ هێنە ڤەشارتن و خێزانێن وان ژى دێ ئامادەیى رێورەسمان بن و رووفاتێن خۆ ڤەشێرن.

هەر ژ دەستپێکا هێرشان ل سالا 2014ێ و تا نوکە 96 گۆڕێن ب کۆم ل شنگالێ هاتینە دیتن، ل دەهان جهێن دى ژى دبیت ب سەدان گۆڕێن دى یێن تاک تاک هەبن و هێشتا نەهاتبنە دیتن، 78 گۆڕ هاتینە هەلدان و دهێتە چاڤەڕێکرن 18 گۆڕێن دى ژى بهێنە ڤەکرن.

تا نوکە 857 رووفات ژ گۆڕان هاتینە دەرخستن و ناسنامەیا 296 قوربانییان هاتییە ئاشکراکرن، ل دەمەکى هێشتا 536 رووفات ل نۆشدارییا دادن و پشکنین بۆ دهێنەکرن.