گاڤ

ئیرانێ دەربارەی  سنۆردارکرنا گەشتێن ئاسمانی داخوازا بریارەکا بلەز ژ ئیراقێ دکەت و دبێژیت ئەڤ بریارە رێگرییێ ل هاتنوچوونا حەجی، قوتابی و نەخۆشان دکەت.

بالیۆزخانەیا کۆمارا ئیسلامیا ئێرانێ ل بەغدا ئەڤرۆ ڕۆژا پێنجشەمبی 1-10-2026ێ  د پۆستەکێ دا ل سەر هەژمارا خۆ یا فەرمی ل تۆڕا جڤاکی یا ئێکس نڤێسییە:" پەیوەندییێن د ناڤبەرا ئێران و ئیراقێ دا ل سەر بنەمایێ پەیوەندیێن کویر و بەرژەوەندییێن هەڤپشک هاتینە ئاڤاکرن و ئاماژە کر: "چاڤەڕێ دهێتەکرن حکومەتا سەربەخۆ یا ئیراقێ، ل ڤێ ڕۆژا سەروەرییێ، بڕیارەکا بلەز بدەت ژبۆ پاراستنا ڤان پەیوەندیێن مێژوویی ژ  کارڤەدانێن سزایێن ئەمریکا."

ئەڤە ل دەمەکی یە ل رۆژا 29ی ئیلۆنێ وەزارەتا گەنجینەیا ئەمریکا ب ڕێیا نڤیسینگەها کۆنترۆڵکرنا سامانێن دەرەکی (OFAC) مۆلەتەکا تایبەت بۆ هێلا ئاسمانی یا ئیراقێ فرێکر، کو رێکێ ددەتە وان مامەلەیێن ئاسایی ئەنجام بدەن ژبۆ برێڤەبرنا خزمەتگوزاریێن سەرنشینان د ناڤبەرا ئیراق و ئێرانێ دا ب رێیا فرۆکەخانا نەجەفێ ب مەرج و ڕێسایێن تایبەت.

ل گۆەری زانیارییان، سزایێن ل سەر هێلا ئاسمانی یا ئێرانێ هاتینە سەپاندن تا نوکە ژی د کاریگەرن. هەروەسا وەزارەتا گەنجینەیا ئەمریکا کۆمپانییێن بیانی ئاگەهدارکرینە کو ب ئەگەرا دۆرپێچان، لهەڤگۆهارتنا دۆلارێ ئەمریکی ل گەل ئیرانیان ل سەرانسەری جیهانێ یا قەدەغەکریە.