گاڤ

وەزارەتا سامانێن سروشتى راگەهاند، چاکسازییا کۆمپانییا دانەگاز کارتێکرنێ ل غازا مالان ناکەت و بەرهەمئینان دێ بیتە 520 ملیۆن پێن سێجار.

ئەڤرۆ وەزارەتا کارەبێ یا حکومەتا هەرێما کوردستانێ راگەهاندیە، ژ 2-10 تا 2-11 دەمژمێرێن دانا کارەبێ دێ کێمبن، ژبەرکو کۆمپانییا دانەگاز دێ دەست ب پرۆسەیا چاکسازیێ د کێلگەها کۆرمۆر دا کەت، هەر دو وەزارەتێن کارەبێ و سامانێن سروشتى ژى دێ هەڤکار بن بۆ وێ یەکێ پرۆسە کێمترین کارتێکرنێ ل سەر دەمژمێرێن کارەبێ بکەت د ناڤا پڕۆژەیێ رۆناکى دا.

د رۆنکرنەکا دى دا وەزارەتا سامانێن سروشتى دیاردکەت، ئەو وەلاتییان پشتراستدکەن پرۆسەیا چاکسازیێن کۆمپانییا دانەگاز ب چ رەنگان کارتێکرنێ ل سەر کێمبوونا غازا مالان ناکەت، هەروەسا ئاشکراکریە، نوکە بەرهەمئینانا غازێ 640 ملیۆن پێن سێجارە و د چاکسازییان دا بەرهەمئینانا غازێ بیتە 520 ملیۆن پێن سێجار و ب ڤێ یەکێ ژى قەبارەکێ کێم یێ غازێ دێ ژێ هێتە بڕێن و چ کارتێکرنێ ل سەر غازا مالان ناکەت.