گاڤ

سەرۆکێ هەرێما کوردستانێ ئەڤرۆ ل گەل کۆنسلێ گشتی یێ رۆسیا ل هەولێرێ کۆمبوو.

ل گۆرەی راگەهاندنەکا سەرۆکاتییا هەرێما کوردستانێ: ب مەرەما بدویماهیکهاتنا ئەرکێ وی، ئەڤرۆ ماکسیم رۆبین، کۆنسلێ گشتی یێ رۆسیا ل هەولێرێ سەرەدانا سەرۆکاتییا هەرێما کوردستانێ کر و ل گەل سەرۆک نێچیرڤان بارزانی کۆمبوو.

د کۆمبوونێ دا سەرۆک نێچیرڤان بارزانی سوپاسییا بزاڤێن وی بۆ پێشڤەبرنا پەیوەندییێن مۆسکۆ ل گەل هەولێرێ کر و هیڤیا سەرکەفتنێ بۆ خواست.

ژ ئالییێ خۆ ڤە ژی کۆنسلێ رۆسیا سوپاسییا دۆستایەتی و هاریکارییێن سازییێن هەرێمێ د دەمێ ئەرکێ وی دا پێشکێشی وی کرین، کر.

دویماهی پێشهاتێن رەوشا دەڤەرێ ب گشتی ژی تەوەرەکێ دی یێ کۆمبوونا وان بوو.