سەرۆک نێچیرڤان بارزانی: ل وی دەمی دێ سەروەرییێ بینین دەمێ دەستوور و فیدرالی دهێنە بجهئینان
بەلاڤ بکە
گاڤ
سەرۆک نێچیرڤان بارزانی ئەڤرۆ پشکداری مەراسیمێن سەرکەفتنا پرۆسەیا دەرکەفتنا هێزێن ئەمریکا و هەڤپەیمان بوو.
سەرۆک نێچیرڤان بارزانی گۆتارەک بۆ سەرکردەیێن ئیراقێ و مێهڤانێن مەراسیمان پێشکێشکر و تێدا گۆت: سوپاس بۆ ئیراقییان و سوپاس بۆ ئەمریکا و هەڤپەیمانییا نێڤدەولەتی و دۆستێن مە ژبۆ شەرێ دژی تیرۆرێ. پیڤەرێ سەرکەفتنا هاریکارییا نێڤدەولەتی مانا هەردەمی یا هێزێن بیانی، نینە بەلکو گەهشتنا ئیراقێ یە بۆ قویناغا پشتبەستنێ ب شیانێن نشتیمانی و پاراستنا ئاساییش و سەقامگیرییێ.
هەروەسا گۆت: داخوازێ ژ ئیراقێ دکەم پەیوەندییان ل گەل ئەمریکا ژ قویناغا شەرێ دژی تیرۆرێ بۆ قویناغا هەڤپشکییەکا درێژخایەن نوی بکەن.
سەرۆکێ هەرێما کوردستانێ دۆپاتی ژی ل وێ یەکێ کر و گۆت: سەروەرێ بەرپرساتییەکا نشتیمانی یە، ل وی دەمی دێ بینین دەمێ دەستوور و فیدرالی دهێنە بجهئینان و دەولەت و سازییێن وێ مەرجعێ بریارێ بن. پێدڤییە بریارا شەڕ و ئاشتییێ بتنێ د دەستێ دەستهەلاتا شەرعی دابیت، نەک چەکێ دەرڤەیی دەولەتێ.
