ئەمریکا لسەر بەردەوامبوونا پەیوەندییێن خۆ دگەل هەرێما کوردستانێ روونکرنه‌ك به‌لاڤكر
بەلاڤ بکە
وەزارەتا دەرڤە یا ئەمریکا ده‌رباره‌ى به‌رده‌وامبوونا په‌یوه‌ندیێن خۆ دگه‌ل هه‌رێما كوردستانێ د روونكرنه‌كی دا به‌لاڤكر، ڤەکێشانا هێزێن وان ژ ئیراقێ و هەرێما کوردستانێ رەنگڤه‌دان و نیشانا بهێزبوونا شیانێن سوپایێ ئیراقێ و پێشمەرگەیێ کوردستانێ یە. تۆمی پیگۆت، په‌یڤدارێ وەزارەتا دەرڤە یا ئەمریکا راگه‌هاند، هێزێن وه‌لاتێ وى ل رۆژا ٣٠ی ئیلۆنێ سەرکەڤتیانە ژ ئیراقێ و هەرێما کوردستانێ هاتنه ڤه‌كێشان، ل گۆره‌ى خشتەیێ پێشتر دگەل حکومەتا ئیراقێ رێککەفتن لسەر هاتییه كرن.
تۆمی پیگۆت ئاشکراكر ژى، ڤه‌كێشانا هێزێن وان بەلگەیێ بهێزبوونا هێزێن ئەمنییێن ئیراقێ و پێشمەرگەیێ کوردستانێ یە و هەروەسا ڤەکرنا به‌رپەڕەکێ نوى و گرنگە د پەیوەندییێن وان دگەل ئیراقێ دا.
په‌یڤدارێ وەزارەتا دەرڤە یا ئه‌مریكا، رژدى ل وێ ئێكێ ژى كر، ئەمریکا دێ پێگیر بیت ب ئاڤاکرنا هەڤپشكییه‌كا ئەمنی و ئابووری یا بهێز دگەل هەردو حکومەتێن هەرێما کوردستانێ و ئیراقێ.
