دەزگەهێ دژەتیرۆرا ئیراقێ روونکرنەک به‌لاڤكر و دانپێدان كر، د ئۆپەراسیۆنا به‌رى 2 رۆژان دا ل پردێ ب شاشی 2  گەنجێن کورد شەهید کرینە و 4 ئەندامێن وان ژی بریندار بووینە.

ئێڤارا ئه‌ڤرۆ، دەزگەهێ دژەتیرۆرا ئیراقێ د روونکرنەکێ دا دیارکر،  ئۆپەراسیۆنا وان كو ل سنوورێ پارێزگەها کەرکووکێ و ل باژێڕکێ پردێ بوویە، بۆ بەرهنگاربوونا تیرۆرستان و ژناڤبرنا پلانێن وان بوو.

دیاركر ژى، هێزێن دژەتیرۆرێ ل ناوچه‌یه‌كا قه‌ره‌بالغ یا ئاکنجیبوونێ راهێلایه‌ تیرۆرستان كو ئێک ژ وان کەمەرا بۆمبڕێژکری گرێدابوو.
ل دەمێ رویبڕویبوونێ تیرۆرستەک هاتە کوشتن و یێ دی ژی هاتە دەسته‌سەرکرن، لێ د وێ رویدانێ دا 2 وەلاتییێن سڤیل شەهید بوون.