گاڤ

ئەڤرۆ دێ ئەنجامێن زانکۆلاین هێنە بەلاڤکرن، وەزارەتا خواندنا بلند داخوازێ ژ قوتابییان دکەت پشتی راگەهاندنا ئەنجامان پەیوەندییێ ب زانکۆیێن خۆ بکەن.

بریارە ئەڤرۆ رۆژا ئێکشەمبی 4-10-2026ێ ل دەمژمێر12ێ نیڤرۆ د کۆنگرەیەکێ رۆژنامەڤانی دا ئەنجامێن وەرگرتنا دەرچوویێن قۆناغا دوازدێ ئامادەیی ل زانکۆیێن هەرێما کوردستانی بۆ سالا خواندنێ 2026-2027 بهێنە راگەهاندن.

ل گۆرەی راگەهاندنەکا وەزارەتا خواندنا بلند، پشتی راگەهاندنا ئەنجامان، دێ پرۆسەیا خواندنێ ل قۆناغا ئێکێ ل زانکۆیان دەستپیکەت.

وەزارەتێ ئاماژە ب وێ یەکێ کرییە، پێدڤییە ل سەر هەمی قوتابییان پشتی راگەهاندنا ئەنجامان پەیوەندییێ ب زانکۆیێن خۆ بکەن. ژ بۆ وێ مەرەمێ زانکۆیێن هەرێمێ بەرهەڤییێن پێدڤی دکەن بۆ پێشوازیکرنا ل وەرگرتنا قوتابیێن نوی بۆ سالا خواندنێ 2026-2027ێ.