گاڤ

سەرۆکێ فراکسیۆنا پارتی دیمۆکراتی کوردستان ل پەرلەمانێ ئیراقێ راگەهاند؛ پترییا داخوازییێن هەرێما کوردستانێ د بودجەیێ سالا 2027ێ دا هاتینە جهگیرکرن.

د. شاخەوان عەبدوللا، سەرۆکێ فراکسیۆنا پارتی دیمۆکراتی کوردستان ل پەرلەمانێ ئیراقێ بۆ مالپەرێ PDK راگەهاند؛ گۆتوبێژێن د ناڤبەرا هەولێر و بەغدایێ دا ل سەر پرۆژەیاسایا بودجەیا گشتی بەردەوامن، پشکەکا مەزن ژ داخوازییێن هەرێما کوردستانێ هاتینە جهگیرکرن.

د. شاخەوان عەبدوللا  گۆت؛ بەغدا بزاڤان دکەت پشکا هەرێمێ کێمتری وێ بیت ئەوا ئەم داخواز دکەین و دڤێت رێژەیا 12.67٪ جهگیربکەن، پشکا هەرێمێ دڤێت ل دویڤ ئەنجامێن سەرژمێرییا گشتی ب رێژەیا 14.14٪ وەک شایستەیێ خۆ بهێتە دان.

سەرۆکێ فراکسیۆنا پارتی دیمۆکراتی کوردستان ل پەرلەمانێ ئیراقێ ئاماژە ژی کر: نوکە خالا سەرەکییا نەگەهشتنا لێکتگەهشتنێ د ناڤبەرا حکومەتا هەرێما کوردستانێ و حکومەتا فیدرال دا، دیارکرنا ئاستێ وێ پشکێ یە، ئەڤە بوویە خالا سەرەکییا ناکۆکییا گۆتوبێژان ب هیڤی نە ئەڤ کێشە ژی د بەرژەوەندییا مافێن دەستوورییێن هەرێمێ بهێتە چارەرکرن.